Valbona Neziri Thaqi, një zonjë e palodhshme nga Medvegja me vendbanim në Zvicër, vazhdon të dëshmojë me vepra lidhjen e saj të fortë me vendlindjen.
Sot, për herë të tretë gjatë vitit 2025, ajo ka ndarë pako me veshmbathje për tri familje shqiptare në nevojë në Medvegjë, duke sjellë jo vetëm ndihmë materiale, por edhe ngrohtësi shpirtërore për bashkëkombësit në vështirësi.
“Puna, ëndrra dhe dashuria për vendlindjen nuk shuhet kurrë,” – u shpreh znj. Thaqi për #MEDVEGJASOT.com, duke nënvizuar përkushtimin e saj të vazhdueshëm për të qenë pranë njerëzve të saj.
Ky është vetëm një nga shumë gjestet që diaspora shqiptare në Zvicër po bën për të mbajtur gjallë frymën e solidaritetit dhe humanizmit në viset shqiptare të Medvegjës, ku ndihma nuk është vetëm ndihmë – por shpresë dhe respekt për rrënjët.
Falënderim dhe respekt për znj. Valbona Neziri Thaqi për këtë shembull të shkëlqyer të dashurisë për vendlindjen!
Për më shumë foto dhe detaje vizitoni: #MEDVEGJASOT.com
