Gani Veseli, themelues i Kryqit të Kuq në Fushë Kosovë në vitin 1998, ka dhënë mbi 15 vite punë vullnetare dhe humanitare, duke mbështetur qytetarët e Kosovës në mënyrë të drejtpërdrejtë dhe transparente. Ai ka bashkëpunuar ngushtë me organizata nga Skandinavia, si “Eriks Hjälpen” dhe “Human Bridge” nga Suedia, për të siguruar ndihma që kanë arritur tek njerëzit në nevojë.
Në Fushë Kosovë, Veseli ka ndërtuar mbi 300 shtëpi për familje në nevojë, ka rehabilituar nënkalimin në fshatin Lismir, dhe ka ndihmuar në përfundimin e objektit të Kryqit të Kuq komunal. Ai ka ofruar një autoambulancë për QKMF-në, ka organizuar një kurs për rrobaqepësi për 60 gra, pajisur me makina qepjeje dhe material pune, dhe ka dhuruar pajisje sportive, veshmbathje dhe ushqim për familjet në nevojë.
Si koordinator i Zyrës për Persona me Nevoja të Veçanta, Veseli ka mbështetur 445 persona me aftësi të kufizuara, duke u siguruar pajisje ortopedike dhe karroca. Në të gjithë Kosovën, ai ka dhuruar aparatura mjekësore dhe pajisje për spitalet, me vlerë mbi 1 milion euro në Prishtinë dhe dhjetëra mijëra euro në Mitrovicë, Ferizaj, Prizren, Gjakovë, Pejë dhe Gjilan. Përmes tij janë shpërndarë mbi 450 krevata, mbi 1,500 karroca, uniforma dhe ndihma për refugjatët gjatë luftës në Luginë.
Prioritetet e tij për Fushë Kosovën përfshijnë hapjen e qendrave për fëmijët me nevoja të veçanta, përmirësimin e shëndetësisë komunale, mbështetjen e personave me aftësi të kufizuara, fuqizimin e grave dhe të rinjve përmes kurseve profesionale, investimet në infrastrukturë, promovimin e sportit dhe rekreacionit, krijimin e fondeve emergjente për familjet në nevojë dhe përmirësimin e kushteve të banimit.
Puna e Gani Veselit mbetet një shembull i përkushtimit humanitar, solidaritetit dhe zhvillimit të qëndrueshëm për Fushë Kosovën dhe gjithë Kosovën.
VOTO 174 – GANI VESELI
Kandidat për Asamble në Komunën e Fushë Kosovës
