MATURANT
Katër vite kaluan shpejtë
Vetëm kujtimet na kanë mbetë
Kjo natë sante po na ndanë
Zemra dhe syri pa ndal po çajnë
Testi nga matematika
në të cilin ekzistonte frika.
Por, aty ishte lehtësimi
Shpjegimi i mirë nga prof. Bekimi.
Së pari na mësoj kiminë
Pastaj filloj edhe ekologjinë
Shumë gjëra me rëndësi
Na mësoj prof. Hamdi.
Çdo mësim e çdo prozë
Tingëllonin bukur në çdo orë
Vetëbesimi dhe motivimi nuk mungonte
Prof. Arbenitë çdo orë na dhuronte.
Shumë e kuptuar dhe e saktë
Ajo është për çdo lavdatë
Bartë me vete shumë mirësi
e kjo është Prof. jonë Sevdi.
Shumë këshilla dhe fjalë të mira
nga edukata qytetare dhe sociologjia
edhe gjuhën Ruse na mësoi prof. Gania.
Shiko shaka dhe liri
Na mundësonte kontabiliteti
Aty kurrë nuk mungonte motivimi
Faleminderit shumë nga prof. Zeqiri.
ekonomia, bazat, statistika na gëzonte
prof. jonë Valbone kur na i shpjegonte
Në mendje dhe zemër ke vendin e parë
Prof. ynë Kujdestar.
Jo vetëm Besnik, por i kujdesur dhe kuptues.
Kujdestari jonë të jemi falenderues.
Më mëngjesi s’na bashkon
Zilja e shkollës s’na grumbullon.
As shakat s’do të jenë më të njejëta,
Në katër anët e botës do të na ndajë jeta.
Lamtumirë banka shkollore
Profesorë çofshi me jetë.
Shumë kujtime për ju do ruajmë
Ardhmëria po na thërretë.
Gjatë rrugëtimit nëpër librin “Medvegja ime” të autores Lirona Zuka kam vërejtur ndjenjën e saj të atdhedashurisë.
Autorja Zuka nëpërmjet poezive të saj shpreh gjendjen aktuale të krahinës së Medvegjës në njërën anë dhe anën tjetër shpreh gjendjen e saj emocionale kur e sheh Luginën të pabashkuar . Në librin e autores “Medvegja ime”i bëhet thirrje të gjithë shqiptarëve që të kthehen në Medvegjë ngase kjo krahinë nuk e meriton të braktiset. Poetja Lirona përmes vargjeve buruese shpirtërore arrin që lexuesve t’u sjellë forcë dashuri qëndrueshmëri si dhe një frymë rinore të pamposhtur të një vajze e cila qëndron kontribuese e një krahine në të cilën mohohet çdo e drejtë. Tregon edhe momentet kur ajo shkon në Shqipëri duke shpresuar që hera tjetër t’i gjejë të bashkuara me Medvegjën. Përveç vendlindjes së saj, ajo me anë të poezive e përkujton edhe gjeneratën e saj kur ishin maturantë, si dhe kujton të gjithë mësimdhënësit që kontribuon për brezin medvegjas të mbetur në atë krahinë. Burimi i saj shpirtëror me rima të përputhshme, u sjell lexuesve vargje edhe për qenien me të shtrenjtë-NËNËN.
Më kujtohet kur pa ndal qaja
Nga dora jote u ledhatova.
Për ty nënë janë të pakta fjalët
Ah sa e lumtur ndihem kur afër të kam.
Asgjë s’ka vlerë
Nëse me ty nuk jam.
A e din sa vlerë ke ti për mua
Xheneti është tek këmbët e tua.
Je personi më i shtrenjtë për mua
Deri në frymën e fundit unë do të dua.
Përmes këtyre vargjeve, autorja shpreh dashurinë dhe kujtimet e saj nga fëmijëria pranë nënës.
Autorja e librit Lirona Zuka na sjellë para nesh edhe veprat e lavdishme të dëshmorëve përmes poezive lirike. Energjia e saj pozitive që absorbon tek ne përmes çdo poezie, do të ishte terapia më e mirë për të na ushqyer trurin me plotë risi dhe eksperienca të autores dhe rrugëtimit të saj nëpër vargje.
Shkruan Rrahman Hyseni
TE LINDA (mysafire) Lirona Zuka, një aktiviste e palodhur në çështjen e vendlindjes Medvegja
E ftuar në emisionin TE LINDA për kanalin informativ Medvegja Sot më datë 18 Korrik 2021, Lirona na prezantohet me një larami aktivitetesh të cilat ajo ushtron, para së gjithash me një atdhedashuri ndaj vendlindjes së saj Medvegjës.
Lirona vjen nga Medvegja, një komunë e vogël por me një zemër të madhe.
Ajo është një studente e Fakultetit Juridik, dega kriminalistikë, po që se profesioni i saj lidhet ngushtë me guximin që ajo bart dhe e ka dëshmuar duke u inkuadruar në aktivitetet e shumta në çështjen e vendlindjes. Ajo aktualisht bart pozitën e përgjegjëses së zyrës së KKSH-ës për Medvegjë me seli në Medvegjë.
Përveq angazhimeve të saja në politik, si një e re ambicioze, synon në të ardhmen ti kontribuoj atdheut të vet Medvegjës e cila dita ditës po zbrazet.
Pos kësa Lironën e gjejmë edhe si autore në librit “Medvegja ime’’vargu i saj shpalos mallin, dashurinë dhe vuajtjen e vendit të vet nga okupimi, padrejtësitë dhe të gjitha dallgët me të cilat ballafaqohet Medvegja dhe rinia e saj. Por ajo gjithashtu shpreh besimin dhe optimizmin e saj për një rreze drite e cila mund të shfaqet vetëm me një unitet të shqiptarëve.
Gjatë bisedës me Lironën ajo na rrëfeu edhe për një dokumentartë veshjes shqiptare të grave të Medvegjës i cili është në realizim e sipër.
Lirona gjithashtu për Medvegja Sot na njoftoi për librin e saj të ri i cili pritet të del në fillim të vitit të ardhshëm.Redaksia e Medvegja Sot i dëshirojmë shëndet dhe shumë suksese në realizimin e projekteve të saja.
