AKKB organizoi në Vlorë, në datat 27-28 shtator 2024, konferencën ndërkombëtare rajonale “Gruaja në qeverisjen vendore, imazhi dhe fuqizimi i rolit të saj”.
Qëllimi i konferencës ishte të ndajë përvojat e fuqizimit të grave shqiptare në politikën vendore ndër vite, si edhe në rajon, me synim ndarjen e praktikave më të mira.
U synua të rritet bashkëpunimi rajonal në nivelin e qeverisjes vendore dhe ndërmarrja e nismave rajonale për fuqizimin e gruas, me fokus të veçantë mbështetjen e grave ne nivel vendor nëpërmjet politikave gjinore inovative dhe buxhetimit gjinore të përgjegjshëm.
Konferenca u zhvillua me mbështetjen e Kryetarit të Bashkisë Vlorë, Z. Ermal Dredha, si dhe të projektit Bashki të Forta dhe Qendrës për Hapje dhe Dialog – COD.
Në konferencë morën pjesë politikane të shquara shqiptare nga Shqiperia dhe rajoni i Evropës Juglindore, si dhe gra politikane të shquara, dhe përfaqësuese të qeverisjes lokale në këto vende.
Gra Pjesëmarrëse ishin edhe nga Kosova, Presheva, Medvegja, Mali i Zi.
Konferenca u mbyll me miratimin unanim te Deklaratës së Vlorës, një dokument që synon të nxise të gjithë aktoret dhe faktoret per te mbeshtetur axhenden gjinore dhe fuqizimin e gruas shqiptare në nivel lokal. /MS/
