Kryetari i Komunës së Prishtinës, Përparim Rama, ka njoftuar se ka emëruar Samir Shahinin si Drejtor të ri të Arsimit në Kryeqytet, transmeton MEDVEGJASOT.COM
Njoftim i plotë i kryetarit Rama:
Samir Shahini është emëruar Drejtor i ri i Arsimit në Kryeqytet!
Ai ka mbi një dekadë përvojë në menaxhimin e arsimit dhe zhvillimin e politikave edukative. Angazhimi i tij është fokusuar në promovimin e cilësisë në arsim. Ndër vite ka kontribuar në projekte edukative dhe sociale, duke punuar me organizata ndërkombëtare dhe vendore.
Përvoja e tij në trajnime, analizë të politikave arsimore dhe ndërtimin e strategjive të zhvillimit e bëjnë atë një kuadër të përgatitur për përmirësimin e arsimit në kryeqytet.
Vizioni dhe angazhimi i tij janë në harmoni me synimet tona për ngritjen e cilësisë në shkolla dhe zgjerimin e reformës të mësimit tërëditor.
Falenderojmë drejtoreshën e deritanishme të arsimit, Jehona Lushaku, për punën e mrekullueshme që ka bërë këto vite. Urojmë që angazhimi dhe përkushtimi i saj të vazhdojë me sukses në Kuvendin e Kosovës si deputete.
Samir, mirë se vjen!
